Madridning “Real” klubi bosh murabbiyi Karlo Anchelotti “Red Bull Zalsburg”ga qarshi o‘yinni sarhisob qildi.

Madrid klubi Chempionlar ligasi umumiy bosqichining 7-turida 5:1 hisobida zafar quchdi.

"Biz maqsadimizga erishdik – g‘alaba qozonish va yaxshi o‘yin ko‘rsatishga harakat qilish kerak edi. Uchrashuv boshida biroz ishonchsizlikni his qildik, ammo keyin vaziyatni to‘g‘irladik.

Ochig‘i, hujumimiz sifatiga shubha yo‘q. Biz qolgan hamma narsani tuzatishga harakat qilamiz. Chunki hujumimizning samaradorligi aql bovar qilmas holatda edi.

Bizda tuzatadigan boshqa narsalar ham bor. Ba’zida biz yaxshi ish qilamiz, ba’zida esa yomonroq harakat qilamiz. Ammo biz to‘g‘ri yo‘ldamiz", – deya Anchelottining so‘zlarini keltiradi UYEFA matbuot xizmati.