Мадриднинг “Реал” клуби бош мураббийи Карло Анчелотти “Ред Булл Зальцбург”га қарши ўйинни сарҳисоб қилди.
Мадрид клуби Чемпионлар лигаси умумий босқичининг 7-турида 5:1 ҳисобида зафар қучди.
"Биз мақсадимизга эришдик – ғалаба қозониш ва яхши ўйин кўрсатишга ҳаракат қилиш керак эди. Учрашув бошида бироз ишончсизликни ҳис қилдик, аммо кейин вазиятни тўғирладик.
Очиғи, ҳужумимиз сифатига шубҳа йўқ. Биз қолган ҳамма нарсани тузатишга ҳаракат қиламиз. Чунки ҳужумимизнинг самарадорлиги ақл бовар қилмас ҳолатда эди.
Бизда тузатадиган бошқа нарсалар ҳам бор. Баъзида биз яхши иш қиламиз, баъзида эса ёмонроқ ҳаракат қиламиз. Аммо биз тўғри йўлдамиз", – дея Анчелоттининг сўзларини келтиради УЕФА матбуот хизмати.
