Myunxenning "Bavariya" klubi himoyachisi Alfonso Devis 22 yanvar kuni bo‘lib o‘tgan Chempionlar ligasi doirasida "Feyenoord"ga (0:3) qarshi o‘yinda olgan jarohati tufayli 4-6 hafta maydonga tusha olmasligi mumkin. Bu haqda «Sport Bild» xabar berdi.
Manba bergan xabarga ko‘ra, futbolchining jarohati avval taxmin qilinganidan ham jiddiyroq bo‘lib chiqdi. Himoyachining chap son payida mushaklari yirtilgani aniqlangan. Avvalroq Devisning muskuli cho‘zilib ketgani va taxminan ikki hafta maydonga tushmasligi xabar qilingandi. Himoyachining mart oyida boshlanadigan Chempionlar ligasi 1/8 final o‘yinlarida ishtirok etishi ham so‘roq ostida.
Alfonso Devis joriy mavsumda "Bavariya" safida barcha turnirlarda 25 ta o‘yin o‘tkazib, bitta gol urgan.
