"Aston Villa" bosh murabbiyi Unai Emeri klub Jon Duranni qishda qo‘yib yuborishini istamayapti.
"The Athletic"ning taniqli jurnalisti Devid Ornshteynning xabar berishicha, 53 yoshli ispaniyalik mutaxassisi yanvar oyi oxirigacha futbolchiga bo‘lgan qiziqish katta bo‘lishiga qaramay, mavsumning ikkinchi yarmida kolumbiyalik hujumchiga umid qilmoqda.
Ma’lumotlarga ko‘ra, "Aston Villa" o‘tgan hafta "Vest Xem"ning 21 yoshli Jon Duran uchun 57 million funt sterlinglik taklifini rad etgan. Uni Premyer-liga va Saudiya Arabistoni klublari kuzatishda davom etmoqda. Agar "Birmingem sherlari" 80 million funt sterling atrofida taklif olsa, bu ular uchun maqbul bo‘lishi mumkin.
Joriy mavsumda Jon Dyuran barcha turnirlarda klublar safida 29 ta o‘yinda maydonga tushib, 12 ta gol urdi. Nufuzli «Transfermarkt» portali uning bozor qiymatini 40 million yevroga baholamoqda.