“SSKA” hamda O‘zbekiston terma jamoasi futbolchisi Abbosbek Fayzullayev sevimli futbolchisi, terma jamoa va faoliyatini davom ettirishni orzu qiladigan klub haqidagi savollarga javob berdi.

— Sizningcha, futbol tarixidagi eng yaxshi futbolchi kim?
— Messi.

— Hozirgi paytdagi eng yaxshi futbolchi kim?
— Lamin Yamal.

— Qaysi klubda o‘ynashni orzu qilasiz?
— “Barselona”

— Dunyodagi eng yaxshi chempionat qaysi?
— APL va La Liga.

— Agar futbol bilan shug‘ullanmaningizda qanday sohada faoliyat yuritar edingiz?
— Baribir futbolda bo‘lardim (kulib).

Bundan tashqari, futbolchi dunyodagi eng yaxshi stadion sifatida “Kamp Nou”, “SSKA” klubi maydoni va “Paxtakor” o‘yingohini e’tirof etgan.

Ma’lumot uchun, Fayzullayev 2023 yilning avgust oyidan beri “SSKA” safida to‘p suradi. Joriy mavsumda u klub uchun barcha musobaqalarda 23 ta o‘yinda maydonga tushib, 3 ta gol urdi va 6 ta assist amalga oshirdi. O‘zbekiston milliy jamoasi futbolchisining rossiyalik klub bilan amaldagi shartnomasi 2026 yil yozigacha tuzilgan.

Transfermarkt internet portalida keltirilgan ma’lumotga ko‘ra, futbolchining bozor qiymati 8 million yevroni tashkil qiladi. U bu borada O‘zbekistonda ikkinchi o‘rinda turadi.

Ma’lumot uchun, Abbosbek Fayzullayev 2024 yilda O‘zbekistonning eng yaxshi futbolchisi deb topildi.