"Fenerbaxche" o‘z saytida hujumchi Anderson Taliskaning transferi yakunlanganini e’lon qildi. 30 yoshli braziliyalik futbolchi "kanareykalar" bilan bir yarim mavsumga - 2026 yilning o‘rtalariga qadar hisoblangan mehnat shartnomasini imzoladi. Taliska "An-Nasr"dan "Fenerbaxche"ga o‘tdi.
Hujumchi Saudiya klubida uch yarim yil o‘ynadi. Bu vaqt ichida Taliska 104 ta o‘yin o‘tkazdi, jumladan, Krishtianu Ronaldu bilan yonma-yon o‘ynadi. "An-Nasr" tarkibida braziliyalik futbolchi 76 ta gol urdi va 10 ta golli uzatmani amalga oshirdi.
"Fenerbaxche" bosh murabbiyi Joze Mourinyo hisoblanadi. Jamoa ayni damda Turkiya Superligasi turnir jadvalida ikkinchi o‘rinda bormoqda.
