Madridning "Real" klubi darvozaboni Tibo Kurtua yaqindagina jiddiy jarohatidan forig‘ bo‘lib, tarkibga qaytgan David Alaba haqida o‘z fikrlarini bildirdi.
"Alaba a’lo darajada formada. Bir yil futbolsiz o‘tgandan so‘ng, har qanday holatda ham o‘z darajasiga qaytish uchun unga vaqt kerak bo‘ladi, ammo u allaqachon o‘yinlarda ishtirok etmoqda. Biz bilamizki, xoch bog‘lamining uzilishidan tiklanish unga qiyin bo‘ldi, lekin men aminmanki, David yana jamoaning asosiy o‘yinchisiga aylanadi", - dedi Kurtua YECHL doirasidagi "Brest"ga qarshi o‘yindan oldin.
