Мадриднинг "Реал" клуби дарвозабони Тибо Куртуа яқиндагина жиддий жароҳатидан фориғ бўлиб, таркибга қайтган Давид Алаба ҳақида ўз фикрларини билдирди.
"Алаба аъло даражада формада. Бир йил футболсиз ўтгандан сўнг, ҳар қандай ҳолатда ҳам ўз даражасига қайтиш учун унга вақт керак бўлади, аммо у аллақачон ўйинларда иштирок этмоқда. Биз биламизки, хоч боғламининг узилишидан тикланиш унга қийин бўлди, лекин мен аминманки, Давид яна жамоанинг асосий ўйинчисига айланади", - деди Куртуа ЕЧЛ доирасидаги "Брест"га қарши ўйиндан олдин.
