"Barselona" himoyachisi Aleks Valle Italiyaning "Komo" klubi bilan shartnoma imzoladi. Bu haqda nufuzli insayder Fabrisio Romano xabar berdi.
Manbaga ko‘ra, 20 yoshli ispaniyalik futbolchi mavsumning ikkinchi qismini "Komo"da ijara asosida o‘tkazadi. Xabarlarga ko‘ra, shartnomada majburiy sotib olish bandi yo‘q, ammo Vallening "Barselona" bilan shartnomasidagi tovon puli 6 million yevro qilib belgilangan.
Valle "Barselona"ning asosiy jamoasida birorta ham maydonga tushmagan, biroq bir necha bor kataloniyaliklar safida La Liga o‘yinlari qaydnomasiga kiritilgan.
Valle hozirda "Seltik"da ijarada o‘ynamoqda. Tez orada futbolchining ijarasi bekor qilinadi.
