"Барселона" ҳимоячиси Алекс Валле Италиянинг "Комо" клуби билан шартнома имзолади. Бу ҳақда нуфузли инсайдер Фабрицио Романо хабар берди.
Манбага кўра, 20 ёшли испаниялик футболчи мавсумнинг иккинчи қисмини "Комо"да ижара асосида ўтказади. Хабарларга кўра, шартномада мажбурий сотиб олиш банди йўқ, аммо Валленинг "Барселона" билан шартномасидаги товон пули 6 миллион евро қилиб белгиланган.
Валле "Барселона"нинг асосий жамоасида бирорта ҳам майдонга тушмаган, бироқ бир неча бор каталонияликлар сафида Ла Лига ўйинлари қайдномасига киритилган.
Валле ҳозирда "Селтик"да ижарада ўйнамоқда. Тез орада футболчининг ижараси бекор қилинади.