Huquqlari “Manchester Siti”ga tegishli belgiyalik yarim himoyachi Kevin de Bryuyne kelajagi haqida bir qarorga keldi.
Delinedaylive hisobiga ko‘ra, yarim himoyachi faoliyatini Angliyaning top-klubida davom ettirishga qaror qilgan. De Bryuyne 2025 yilning yozida tugaydigan mehnat shartnomasini uzaytirmoqchi.
33 yoshli yarim himoyachi 2015 yilning yozidan buyon "Manchester Siti"da o‘ynaydi. Futbolchining transfer qiymati 35 million yevroga baholanmoqda.
De Bryuyne joriy mavsumda APLda 16 ta o‘yinda maydonga tushib, 2 ta gol urdi va 6 ta golli uzatmani amalga oshirdi.
