Ҳуқуқлари “Манчестер Сити”га тегишли белгиялик ярим ҳимоячи Кевин де Брюйне келажаги ҳақида бир қарорга келди.
Delinedaylive ҳисобига кўра, ярим ҳимоячи фаолиятини Англиянинг топ-клубида давом эттиришга қарор қилган. Де Брюйне 2025 йилнинг ёзида тугайдиган меҳнат шартномасини узайтирмоқчи.
33 ёшли ярим ҳимоячи 2015 йилнинг ёзидан буён "Манчестер Сити"да ўйнайди. Футболчининг трансфер қиймати 35 миллион еврога баҳоланмоқда.
Де Брюйне жорий мавсумда АПЛда 16 та ўйинда майдонга тушиб, 2 та гол урди ва 6 та голли узатмани амалга оширди.