"Lechche" bosh murabbiyi Marko Jampaolo Patrik Dorguning "Manchester Yunayted"ga ketishini tasdiqladi.
20 yoshli futbolchi juma oqshomida A Seriyaning “Parma”ga qarshi o‘yinida zaxirada qoldi. Kutilganidek, daniyalik yaqin oradagi transfer tufayli maydonga tushmadi - uni "Manchester Yunayted" sotib olyapti.
"To‘g‘ri, Patrik shanba kuni Manchesterga uchadi. U fantastik futbolchi va biz uchun har doim qo‘lidan kelganini qildi.
Uning fikrlari allaqachon "Old Trafford"da", - dedi Jampaolo.













