"Tottenxem" qishki transfer oynasi yopilguniga qadar hujum chizig‘ini kuchaytirishga harakat qilishda davom etmoqda.
"Shporlar" "Bavariya" bilan forvard Matis Telning 60 million yevroga transferi bo‘yicha kelishuvga erishdi, biroq 19 yoshli fransiyalik futbolchining o‘zi bu transferni rad etdi.
Jurnalist Saymon Jonsning so‘zlariga ko‘ra, Tel bo‘yicha kelishuv muvaffaqiyatsizlikka uchraganidan ko‘p o‘tmay, "Tottenxem" "Manchester Yunayted"ga Alexandro Garnacho haqida so‘rov bilan murojaat qilgan.
Argentinalik vingerga “Chelsi” va “Napoli” ham qiziqish bildirmoqda. Potensial xaridorlarni "qizil iblislar"ning Garnachoga qo‘ygan talablari qo‘rqitishmoqda: turli manbalarga ko‘ra, mankunianliklar 20 yoshli futbolchini sotishdan 80 dan 95 million yevrogacha daromad olishga umid qilishmoqda.
