Saudiya Arabistonining "Al-Ittifoq" klubi sobiq bosh murabbiyi Stiven Jerrard 30 yanvar, payshanba kuni o‘zaro kelishuvga ko‘ra klubni tark etganidan so‘ng bayonot berdi.
"Klubga, futbolchilarga, muxlislarga va bu yerda qolishimga hissa qo‘shgan barchaga o‘z minnatdorchiligimni bildirmoqchiman. Imkoniyat va qo‘llab-quvvatlaganingiz uchun, ayniqsa, prezident janob Samer, bosh direktor janob Hamad va futbol qo‘mitasi rahbari janob Hatimga rahmat.
Bu yerda men ko‘p narsalarni o‘rgandim va bu shaxsan men va oilam uchun ijobiy tajriba bo‘ldi. Lekin futbolni oldindan aytib bo‘lmaydi va ba’zida hamma narsa biz xohlagandek bo‘lmaydi. Biroq klubni va mamlakatni katta hurmat bilan tark etaman. Amalga oshirilgan ishlar kelajakda muvaffaqiyat olib kelishiga shubham yo‘q va jamoaga mavsumning qolgan qismida omad tilayman", - dedi Jerrard Daily Mail bilan suhbatda.
Angliyalik mutaxassis 2023 yilning yozida "Al-Ittifoq"ga bosh murabbiy etib tayinlangandi. Bungacha Jerrard "Aston Villa" va "Reynjers"ni boshqargan va ular bilan Shotlandiya chempioniga aylangan. Stiven "Liverpul"ning yoshlar jamoasida ham ishlagan.
