Madridning “Real” klubi yozda faoliyatini yakunlagan afsonaviy markaziy himoyachini jamoaga taklif etish variantini jiddiy ko‘rib chiqmoqda.
Ispaniyaning El Gol Digital nashri xabariga ko‘ra, 41 yoshli Pepe klubga qaytishi mumkin, chunki "Real Madrid"da hozir markaziy himoyachi pozisiyasida o‘ynay oladigan futbolchilarning hammasida jarohat bor. Yuqori tajribali portugaliyalik erkin agent bo‘lgani uchun transfer oynasi yopilganidan keyin ham "Los Blankos" bilan shartnoma imzolashi mumkin.
Pepe 2007 yildan 2017 yilgacha "Real"da o‘ynagan. Bu vaqt ichida u klub safida 334 ta o‘yin o‘tkazib, 15 ta gol urgan va 20 ta golli uzatmani amalga oshirgan.
