Мадриднинг “Реал” клуби ёзда фаолиятини якунлаган афсонавий марказий ҳимоячини жамоага таклиф этиш вариантини жиддий кўриб чиқмоқда.
Испаниянинг El Gol Digital нашри хабарига кўра, 41 ёшли Пепе клубга қайтиши мумкин, чунки "Реал Мадрид"да ҳозир марказий ҳимоячи позициясида ўйнай оладиган футболчиларнинг ҳаммасида жароҳат бор. Юқори тажрибали португалиялик эркин агент бўлгани учун трансфер ойнаси ёпилганидан кейин ҳам "Лос Бланкос" билан шартнома имзолаши мумкин.
Пепе 2007 йилдан 2017 йилгача "Реал"да ўйнаган. Бу вақт ичида у клуб сафида 334 та ўйин ўтказиб, 15 та гол урган ва 20 та голли узатмани амалга оширган.
