Rivaldo Chempionlar ligasidagi o‘zgarishlardan mamnun emas.
"Bir vaqtning o‘zida ko‘p o‘yinlar bo‘lganini hisobga olsak, oxirgi tur qiziqarli o‘tgan bo‘lsa-da, menga yangi format yoqmayapti.
Lekin qur’adan keyin oqibatlarini ko‘ramiz. Ko‘p klublar tinchlanishdi. Agar ular yaxshiroq harakat qilganlarida albatta, yaxshiroq joylarni egallagan bo‘lardi.
"Manchester Siti" va "Real Madrid" o‘yinini ko‘ramiz va shu chempionlardan biri shu bosqichdayoq turnirni tark etadi. Albatta, ular ajoyib juftlik, biz hammamiz shunga o‘xshash o‘yinlarni ko‘rishni xohlaymiz, lekin bu juda tez sodir bo‘ldi, shunday emasmi? Bu chorak final, yarim final yoki finalga mos o‘yin", - dedi "Barselona"ning sobiq yarim himoyachisi.
