"Barselona" yetakchilaridan biri Rafinya Xans-Diter Flik bilan dastlabki suhbati qanday bo‘lganini esladi.

"Xansi Flikning kelishi rasman e’lon qilingach, u menga qo‘ng‘iroq qilib: "Sen men ishonadigan futbolchilardan birisan," dedi.

Qizig‘i shundaki, u meni hali tanimasdan yoki o‘yinimni kuzatmasdan shunday dedi. Bu menga o‘z o‘yinimni yaxshilash va ishonchni tiklash uchun qo‘shimcha motivasiya berdi.

O‘tgan mavsumda mening "Barselona"dan ketishim haqida ko‘plab mish-mishlar tarqaldi. Shunga qaramay, Xavi menga doim: "Agar men "Barcelona" murabbiyi bo‘lmaganimda, sen bu jamoa libosini kiyolmas eding," deb aytardi.

Xavi menga ishonar, mashaqqatli mehnat bilan jamoa uchun muhim futbolchiga aylanishimga qat’iy ishongan edi", - dedi 28 yoshli braziliyalik futbolchi.

Rafinya joriy mavsumda 34 ta o‘yinda 23 ta gol urib, 15 ta assist berdi.