"Барселона" етакчиларидан бири Рафинья Ханс-Дитер Флик билан дастлабки суҳбати қандай бўлганини эслади.

"Ханси Фликнинг келиши расман эълон қилингач, у менга қўнғироқ қилиб: "Сен мен ишонадиган футболчилардан бирисан," деди.

Қизиғи шундаки, у мени ҳали танимасдан ёки ўйинимни кузатмасдан шундай деди. Бу менга ўз ўйинимни яхшилаш ва ишончни тиклаш учун қўшимча мотивация берди.

Ўтган мавсумда менинг "Барселона"дан кетишим ҳақида кўплаб миш-мишлар тарқалди. Шунга қарамай, Хави менга доим: "Агар мен "Барcелона" мураббийи бўлмаганимда, сен бу жамоа либосини киёлмас эдинг," деб айтарди.

Хави менга ишонар, машаққатли меҳнат билан жамоа учун муҳим футболчига айланишимга қатъий ишонган эди", - деди 28 ёшли бразилиялик футболчи.

Рафинья жорий мавсумда 34 та ўйинда 23 та гол уриб, 15 та ассист берди.