"Bavariya"ning 31 yoshli hujumchisi Xarri Keyn shartnomasida Angliya Premyer-ligasiga qaytish uchun yo‘l ochishi mumkin bo‘lgan 65 million yevrolik tovon puli borligi ma’lum bo‘lganidan keyin nemis klubidagi kelajagi haqidagi savollarga javob berdi.
"Men bu haqda gapirishni xohlamayman. Aytishim mumkinki, men "Bavariya"da juda baxtliman", — dedi Keyn.
Angliyalik hujumchi "Bavariya"ga 2023 yilning yozida kelib qo‘shilgan edi. Bu davrda u barcha turnirlarda 72 ta uchrashuvda qatnashib, 72 ta gol urdi va 22 ta golli uzatmani amalga oshirdi. Futbolchining klub bilan amaldagi mehnat shartnomasi 2027 yilning yoziga qadar tuzilgan.
