"Бавария"нинг 31 ёшли ҳужумчиси Харри Кейн шартномасида Англия Премьер-лигасига қайтиш учун йўл очиши мумкин бўлган 65 миллион евролик товон пули борлиги маълум бўлганидан кейин немис клубидаги келажаги ҳақидаги саволларга жавоб берди.
"Мен бу ҳақда гапиришни хоҳламайман. Айтишим мумкинки, мен "Бавария"да жуда бахтлиман", — деди Кейн.
Англиялик ҳужумчи "Бавария"га 2023 йилнинг ёзида келиб қўшилган эди. Бу даврда у барча турнирларда 72 та учрашувда қатнашиб, 72 та гол урди ва 22 та голли узатмани амалга оширди. Футболчининг клуб билан амалдаги меҳнат шартномаси 2027 йилнинг ёзига қадар тузилган.
