"Barselona" yarim himoyachisi Gavi jamoadoshi Fermin Lopesning "Sevilya"ga qarshi o‘yini haqida fikr bildirdi.

Ispaniya La ligasining 23-turidan o‘rin olgan uchrashuv kataloniyaliklarning 4:1 hisobidagi yirik g‘alabasi bilan yakunlandi. Lopes ikkinchi bo‘lim boshida Gavi o‘rniga maydonga tushdi va darhol gol urdi. Biroq 62-daqiqada yarim himoyachi maydondan chetlatildi.

"Fermin ajoyib o‘yin ko‘rsatdi. U maydonga chiqdi va o‘yin natijasini hal qilishda yordam berdi va bu eng asosiysi. Men u uchun juda xursandman", - deydi Gavi.

Joriy mavsumda Lopes barcha musobaqalarda 25 ta o‘yinda maydonga tushib, 5 ta gol urdi va 5 ta golli uzatmani amalga oshirdi.