"Барселона" ярим ҳимоячиси Гави жамоадоши Фермин Лопеснинг "Севилья"га қарши ўйини ҳақида фикр билдирди.
Испания Ла лигасининг 23-туридан ўрин олган учрашув каталонияликларнинг 4:1 ҳисобидаги йирик ғалабаси билан якунланди. Лопес иккинчи бўлим бошида Гави ўрнига майдонга тушди ва дарҳол гол урди. Бироқ 62-дақиқада ярим ҳимоячи майдондан четлатилди.
"Фермин ажойиб ўйин кўрсатди. У майдонга чиқди ва ўйин натижасини ҳал қилишда ёрдам берди ва бу энг асосийси. Мен у учун жуда хурсандман", - дейди Гави.
Жорий мавсумда Лопес барча мусобақаларда 25 та ўйинда майдонга тушиб, 5 та гол урди ва 5 та голли узатмани амалга оширди.
