O‘yin vaqtining yetishmasligi va o‘ziga bo‘lgan ishonchning yo‘qolishi Ansu Fati faoliyatini davom ettirish imkoniyatlarini ko‘rib chiqishga majbur qildi.
Fichajes nashrining yozishicha, qiziqish bildirayotgan klublar orasida Dortmundning “Borussiya”si alohida ajralib turadi.
Fatining "Borussiya"ga o‘tishi barcha tomonlar uchun foydali bo‘lishi mumkin. Yakuniy qaror ko‘plab omillarga bog‘liq bo‘ladi, ammo yosh hujumchi uchun faoliyatini Bundesligada davom ettirish varianti jozibador ko‘rinadi.
Joriy mavsumda 22 yoshli ispaniyalik futbolchi barcha musobaqalarda “Barsa” safida 8 ta o‘yinda atigi 186 daqiqa maydonga tushdi.
