Xabaringiz bor, Dushanbe shahrida ayollar futzal terma jamoalari ishtirokida CAFA musobaqasi bo‘lib o‘tmoqda.
Turnirning ikkinchi turida O‘zbekiston terma jamoasi Turkmanistonga qarshi (6:3) bahs olib bordi. Uchrashuvning "Eng yaxshi o‘yinchisi" deb gol urib, bitta golli uzatma yetkazib bergan sardorimiz Feruza Turdiboyeva tan olindi.
"Bugun oson bo‘lmasligini bilardik. Lekin shu bilan birga faqat g‘alaba haqida o‘yladik — biz uchun boshqa variant yo‘q edi. O‘yinni yaxshi boshladik va tezkor gollar urdik. Keyin biroz bo‘shashdikmi, ikkita gol o‘tkazib yubordik.
Tanaffusda murabbiylarimiz ko‘rsatmalar berishdi, nimalarga e’tibor berish zarurligini ta’kidlashdi. Barchasi yaxshi ekanligi va o‘z o‘yinimizni ko‘rsatsak, uch ochko bizniki bo‘lishi haqida gaplashdik.
Natijada, ikkinchi bo‘limni ham gol bilan boshladik. Albatta, gol urganim va Madinaga golli uzatma yetkazib berganimdan xursandman. Eng muhimi — g‘alaba qozondik.
Oldinda yana ikkita o‘yin bor. Ularda ham ishonchli o‘yin ko‘rsatib, maksimal natija qayd etishga harakat qilamiz. Qolganini vaqt ko‘rsatadi.", - dedi Feruza Turdiboyeva.
