Italiya klublaridan biri hamon erkin agent bo‘lib qolayotgan Pol Pogbani sotib olishi mumkin.
Fichajes nashri ma’lumotlariga ko‘ra, Pogbaga "Fiorentina" katta qiziqish uyg‘otdi.
“Binafsharanglar” rahbariyati Pogba uzoq vaqt futbol o‘ynamaganiga qaramay, uni erkin agent sifatida qo‘lga kiritishga tayyor.
2023 yilda Pol Pogba doping testi ijobiy chiqqani uchun diskvalifikasiya qilingan, o‘tgan yilning oxirida esa "Yuventus" shartnomasini bekor qilgandi. Fransiyalik futbolchi mart oyidayoq futbol maydoniga to‘liq qaytishi mumkin.
