Qanot vingeri Jeydon Sancho "Chelsi"da ijarada o‘ynamoqda, ammo uning "Manchester Yunayted"ga qaytmasligi deyarli aniq bo‘lib ulgurgan.
"Ko‘klar" 24 yoshli futbolchini joriy mavsum Premyer-ligada 15-o‘rindan yuqorida yakunlasa sotib olishlari shart, deya xabar beradi jurnalist Ben Jeykobs. Angliyalik futbolchi "Chelsi"ga o‘tish uchun maoshini sezilarli darajada kamaytirishga rozi bo‘ldi. Hozirda klublar futbolchining maoshini ikkiga bo‘lishmoqda.
Jeydon Sancho Enso Mareska jamoasi safida barcha musobaqalarda 21 ta o‘yinda maydonga tushib, 2 ta gol urdi va 6 ta golli uzatmani amalga oshirdi.













