Қанот вингери Жэйдон Санчо "Челси"да ижарада ўйнамоқда, аммо унинг "Манчестер Юнайтед"га қайтмаслиги деярли аниқ бўлиб улгурган.
"Кўклар" 24 ёшли футболчини жорий мавсум Премьер-лигада 15-ўриндан юқорида якунласа сотиб олишлари шарт, дея хабар беради журналист Бен Жейкобс. Англиялик футболчи "Челси"га ўтиш учун маошини сезиларли даражада камайтиришга рози бўлди. Ҳозирда клублар футболчининг маошини иккига бўлишмоқда.
Жэйдон Санчо Энцо Мареска жамоаси сафида барча мусобақаларда 21 та ўйинда майдонга тушиб, 2 та гол урди ва 6 та голли узатмани амалга оширди.
