Lissabonning "Sporting" klubi hujumchisi Viktor Dyokeresh "Manchester Yunayted"ga o‘tishi mumkin.
"Sherlar"ning hujum yetakchisi "qizil iblislar"ning yozgi transfer oynasidagi asosiy maqsadlaridan biri hisoblanadi. Mish-mishlarga ko‘ra, shved bilan shartnoma imzolanishini shaxsan "Sporting"ning sobiq menejeri Ruben Amorim istamoqda. Transfer News Live nashrining xabariga ko‘ra, Portugaliya klubi Dyokeresh uchun so‘rovini 70 million yevrogacha qisqartiradi. "Manchester Yunayted" esa 26 yoshli to‘purar uchun yagona da’vogar emas.
Joriy mavsumda Viktor Dyokeresh Lissabon klubi safida 35 ta o‘yinda maydonga tushib, 34 ta gol urdi va 7 ta golli uzatmani amalga oshirdi.













