Turkiya futbol federasiyasi tartib-intizom qo‘mitasi Superliganing 23-turidan o‘rin olgan “Galatasaroy”ga qarshi kechgan uchrashuvda “Adana Demirspor”ga 0:3 hisobida texnik mag‘lubiyatni yozish haqida qaror qabul qildi, deb xabar beradi “Fanatik”.

13 fevral kuni qo‘mita yig‘ilishi bo‘lib o‘tdi va shundan so‘ng jamoaga 0:3 hisobidagi texnik mag‘lubiyat haqida qaror qabul qilindi.

Bundan tashqari, klub boshqaruvi raisi Murat Sandzak 500 ming lira (taxminan 11,3 ming yevro) jarimaga tortildi va 30 kunga diskvalifikasiya qilindi.

Eslatib o‘tamiz, "Adana" futbolchilari o‘z darvozasiga belgilangan penaltidan norozi bo‘lgani uchun 30-daqiqada maydonni tark etgandi.

O‘yin to‘xtatilgan vaqtda 1:0 hisobida istanbulliklar g‘alaba qozonayotgan edi.