Туркия футбол федерацияси тартиб-интизом қўмитаси Суперлиганинг 23-туридан ўрин олган “Галатасарой”га қарши кечган учрашувда “Адана Демирспор”га 0:3 ҳисобида техник мағлубиятни ёзиш ҳақида қарор қабул қилди, деб хабар беради “Фанатик”.
13 февраль куни қўмита йиғилиши бўлиб ўтди ва шундан сўнг жамоага 0:3 ҳисобидаги техник мағлубият ҳақида қарор қабул қилинди.
Бундан ташқари, клуб бошқаруви раиси Мурат Сандзак 500 минг лира (тахминан 11,3 минг евро) жаримага тортилди ва 30 кунга дисквалификация қилинди.
Эслатиб ўтамиз, "Адана" футболчилари ўз дарвозасига белгиланган пенальтидан норози бўлгани учун 30-дақиқада майдонни тарк этганди.
Ўйин тўхтатилган вақтда 1:0 ҳисобида истанбулликлар ғалаба қозонаётган эди.
