"Atalanta" murabbiyning trebl haqidagi hazilidan ko‘p o‘tmay klub yana muvaffaqiyatsizlikka uchradi.
Bugun bergamoliklar "Bryugge"ga imkoniyatni boy berib (1:3), Chempionlar Ligasi pley-off bosqichidan chiqib ketishdi.
30 yanvar kuni bosh murabbiy Jan-Pyero Gasperini "Atalanta" ECHL, A Seriya va mamlakat kubogida g‘alaba qozonib, trebl qilmoqchi ekanligi haqida hazil qilgandi: "Atalanta"ga ECHL yoqadi. Maqsad - uni yutib olish. Aslida esa, maqsad - trebl."
67 yoshli mutaxassisning hazilidan besh kun o‘tar-o‘tmas "Bolonya" jamoani Italiya kubogidan chiqarib yubordi, endi esa ular Chempionlar ligasini ham tark etdi. Chempionatda u peshqadam "Napoli"dan 5 ochko ortda qolib, uchinchi o‘rinda bormoqda.













