"Аталанта" мураббийнинг требль ҳақидаги ҳазилидан кўп ўтмай клуб яна муваффақиятсизликка учради.
Бугун бергамоликлар "Брюгге"га имкониятни бой бериб (1:3), Чемпионлар Лигаси плей-офф босқичидан чиқиб кетишди.
30 январь куни бош мураббий Жан-Пьеро Гасперини "Аталанта" EЧЛ, А Серия ва мамлакат кубогида ғалаба қозониб, требль қилмоқчи эканлиги ҳақида ҳазил қилганди: "Аталанта"га EЧЛ ёқади. Мақсад - уни ютиб олиш. Аслида эса, мақсад - требль."
67 ёшли мутахассиснинг ҳазилидан беш кун ўтар-ўтмас "Болонья" жамоани Италия кубогидан чиқариб юборди, энди эса улар Чемпионлар лигасини ҳам тарк этди. Чемпионатда у пешқадам "Наполи"дан 5 очко ортда қолиб, учинчи ўринда бормоқда.
