"Real"ga qarshi javob o‘yini oldidan bo‘lib o‘tgan matbuot anjumanida Pep Gvardioladan o‘tgan yozda "Siti"ni 75 million yevro evaziga tark etgan hujumchi Xulian Alvares haqida so‘rashdi.

"Men buning uchun mas’uliyatni his qilmayapman. Klub men uchun fantastik o‘yinchi bilan shartnoma imzoladi, lekin u ko‘proq o‘ynashni xohladi va "Atletiko"ga o‘tishga qaror qildi. Uning biz uchun qilgan ishlaridan juda xursandmiz. To‘g‘risini aytsam, u bizga katta ma’noda o‘ziga xos muvaffaqiyatga erishishimizga yordam berdi va uni bugun shunday formada ko‘rish juda yoqimli.

U shunchaki jamoada kattaroq shaxs bo‘lishni xohlardi va bu qiyin edi. Hammasi yaxshi, bu yaxshi tugadi. Bilaman, u juda baxtli”, - dedi Gvardiola.

Joriy mavsumda 25 yoshli argentinalik “Atletiko” safida barcha musobaqalarda 37 ta o‘yinda maydonga tushib, 17 ta gol urdi va 4 ta golli uzatmani amalga oshirdi.