"Liverpul" hujumchisi Diogu Jota faoliyatini Angliyaning boshqa klubida davom ettirishi mumkin. Bu haqda Football Insider xabar bermoqda.
Jurnalistlar xabariga ko‘ra, 28 yoshli portugaliyalik futbolchini Londonning "Arsenal" klubi o‘z safiga qo‘shib olmoqchi. "Kanonirlar" rahbariyati keyingi transfer oynasida Jotani o‘z safiga qo‘shib olishga harakat qiladi.
Diogu mersisaydliklar safida 2020 yildan buyon to‘p tepib kelmoqda. Joriy mavsumda forvard "Liverpul" safida 24 ta bahsda qatnashib, 8 ta gol urdi va 3 ta golli uzatmani amalga oshirdi.













