"Ливерпуль" ҳужумчиси Диогу Жота фаолиятини Англиянинг бошқа клубида давом эттириши мумкин. Бу ҳақда Football Insider хабар бермоқда.
Журналистлар хабарига кўра, 28 ёшли португалиялик футболчини Лондоннинг "Арсенал" клуби ўз сафига қўшиб олмоқчи. "Канонирлар" раҳбарияти кейинги трансфер ойнасида Жотани ўз сафига қўшиб олишга ҳаракат қилади.
Диогу мерсисайдликлар сафида 2020 йилдан буён тўп тепиб келмоқда. Жорий мавсумда форвард "Ливерпуль" сафида 24 та баҳсда қатнашиб, 8 та гол урди ва 3 та голли узатмани амалга оширди.













