"Milan"ning o‘ng qanot himoyachisi Kayl Uoker jarohat olib safdan chiqdi.

Angliyalik futbolchi yaqinda "Feyenoord"ga (1:1) qarshi kechgan o‘yinda so‘nggi daqiqalargacha o‘ynadi. Uchrashuv yakunlanganidan ko‘p o‘tmay, Uoker mushaklari bilan bog‘liq muammolarga duch keldi, shu sababli u so‘nggi ikki kun ichida jamoa mashg‘ulotlarida qatnashmadi.

Football Italia nashri tarqatgan xabarga ko‘ra 34 yoshli futbolchi keyingi ikki "Torino" (22 fevral) va "Bolonya"ga (27 fevral) qarshi o‘yinlarni o‘tkazib yuborishi mumkin.

Kayl Uoker yanvar oyida "Manchester Siti"dan ijara asosida "Milan"ga o‘tgan edi. Bitimda sotib olish imkoniyati kiritilgan.