"Милан"нинг ўнг қанот ҳимоячиси Кайл Уокер жароҳат олиб сафдан чиқди.
Англиялик футболчи яқинда "Фейеноорд"га (1:1) қарши кечган ўйинда сўнгги дақиқаларгача ўйнади. Учрашув якунланганидан кўп ўтмай, Уокер мушаклари билан боғлиқ муаммоларга дуч келди, шу сабабли у сўнгги икки кун ичида жамоа машғулотларида қатнашмади.
Football Italia нашри тарқатган хабарга кўра 34 ёшли футболчи кейинги икки "Торино" (22 февраль) ва "Болонья"га (27 февраль) қарши ўйинларни ўтказиб юбориши мумкин.
Кайл Уокер январь ойида "Манчестер Сити"дан ижара асосида "Милан"га ўтган эди. Битимда сотиб олиш имконияти киритилган.
