Turinning "Yuventus" klubi hujumchisi Kenan Yildiz Ispaniya chempionatiga o‘tishi mumkin, deb xabar beradi El Nacional nashri.

19 yoshli forvard xizmatlariga Kataloniyaning "Barselona" klubi qiziqish bildirmoqda. "Keksa sinyora" futbolchi uchun kamida 80 million yevro taklif qilsa, u bilan xayrlashishi mumkin. Futbolchining Italiyaning top-klubi bilan tuzgan mehnat shartnomasi 2029 yilning yozida yakuniga yetadi.

Joriy mavsumda Kenan 37 ta o‘yinda maydonga tushib, 6 ta gol urdi va 5 ta golli uzatmani amalga oshirdi. Transfermarkt portali ma’lumotlariga ko‘ra, Yildizning bozor qiymati 45 million yevroni tashkil qiladi.