Туриннинг "Ювентус" клуби ҳужумчиси Кенан Йилдиз Испания чемпионатига ўтиши мумкин, деб хабар беради El Nacional нашри.
19 ёшли форвард хизматларига Каталониянинг "Барселона" клуби қизиқиш билдирмоқда. "Кекса синьора" футболчи учун камида 80 миллион евро таклиф қилса, у билан хайрлашиши мумкин. Футболчининг Италиянинг топ-клуби билан тузган меҳнат шартномаси 2029 йилнинг ёзида якунига етади.
Жорий мавсумда Кенан 37 та ўйинда майдонга тушиб, 6 та гол урди ва 5 та голли узатмани амалга оширди. Transfermarkt портали маълумотларига кўра, Йилдизнинг бозор қиймати 45 миллион еврони ташкил қилади.
