"Manchester Siti" bosh murabbiyi Xosep Gvardiola avvalgi yutuqlaridan zavqlanishda davom etmoqda.
Yakshanba kuni "shaharliklar" o‘z uyida turnir jadvalining amaldagi peshqadami "Liverpul"ni qabul qiladi. Gvardiola jamoasi g‘alaba qozongan taqdirda ham "qizillar"ga yaqinlashishi qiyin bo‘ladi: hozirda oradagi farq 17 ochkoni tashkil etmoqda.
"O‘tmishda nimaga erishganimizni hamma tushundi. Har safar odamlar "Manchester Siti"da hammasi oson kechayotganini aytishgandi, ammo endi hamma tushunib yetdi. Bunga erishish juda qiyin bo‘lgan," - dedi Gvardiola matbuot anjumanida.
