"Barselona" vingeri Lamin Yamal navbatdagi samarali uzatmasini amalga oshirdi.

Ispaniyalik futbolchi "Las-Palmas"ga qarshi bahsda Dani Olmoga assistentlik qildi - endi 17 yoshli vunderkindning hisobida La Liganing joriy mavsumida 11 ta golli uzatma bor. Bu Ispaniya chempionatidagi eng yaxshi ko‘rsatkich va APL doirasida "Liverpul"dagi sheriklariga 15 marta golli uzatma bergan Muhammad Salohdan keyin Yevropaning beshta yetakchi ligasidagi ikkinchi natijadir. Uchinchi o‘rinni o‘nta assist bilan Entoni Robinson ("Fulxem"), Florian Virs ("Bayer"), Mikkel Damsgor ("Brentford") va Bukayo Saka ("Arsenal") bo‘lishib turibdi.

Lamin Yamal hisobida joriy mavsumda La Ligada urilgan beshta gol ham bor.