"Барселона" вингери Ламин Ямал навбатдаги самарали узатмасини амалга оширди.

Испаниялик футболчи "Лас-Пальмас"га қарши баҳсда Дани Ольмога ассистентлик қилди - энди 17 ёшли вундеркинднинг ҳисобида Ла Лиганинг жорий мавсумида 11 та голли узатма бор. Бу Испания чемпионатидаги энг яхши кўрсаткич ва АПЛ доирасида "Ливерпуль"даги шерикларига 15 марта голли узатма берган Муҳаммад Салоҳдан кейин Европанинг бешта етакчи лигасидаги иккинчи натижадир. Учинчи ўринни ўнта ассист билан Энтони Робинсон ("Фулхэм"), Флориан Вирц ("Байер"), Миккель Дамсгор ("Брентфорд") ва Букайо Сака ("Арсенал") бўлишиб турибди.

Ламин Ямал ҳисобида жорий мавсумда Ла Лигада урилган бешта гол ҳам бор.