"Nyukasl" hujumchisi Aleksandr Isak Angliya Premyer-ligasining birinchi bo‘limida "Nottingem Forest"ga qarshi o‘yinda dubl qayd etdi. 33-daqiqada Isak penaltini aniq amalga oshirgan bo‘lsa, 34-daqiqada o‘zining ikkinchi golini kiritdi. Shu tariqa, shvesiyalik forvard Premyer-ligada urgan gollari sonini 50 taga yetkazdi.
Manbaga ko‘ra, Aleksandr Isak Angliya chempionatidagi ellikta golga erishish uchun 76 uchrashuv o‘tkazishi kerak bo‘ldi. Bu natija bilan Isak turnir tarixida ushbu ko‘rsatkichga erishgan tezlik bo‘yicha yettinchi futbolchiga aylandi.
Premyer-ligadagi dastlabki 50 ta golini Isakdan tezroq urgan olti futbolchidan faqat ikkitasi o‘ynamoqda. "Manchester Siti" hujumchisi Erling Xolandga Premyer-ligadagi ilk 50 ta golini urish uchun 48 o‘yin kerak bo‘ldi. Norvegiyalik futbolchi reytingda yetakchilik qilmoqda. "Liverpul" vingeri Muhammad Saloh o‘zining 72-uchrashuvida 50-gol kiritdi.
