Yarim himoyachi Pol Pogba yana bir bor "Manchester Yunayted" libosini kiyib ko‘rishi mumkin.
Transfer News Live nashrining xabar berishicha, 31 yoshli Pogba "qizil iblislar" bosh murabbiyi Ruben Amorim bilan shaxsiy suhbatda bo‘lgan. Qayd etilishicha, "Manchester Yunayted" Pogbaga bir yillik shartnoma taklif qilishga tayyor. Klub katta miqdordagi bonus to‘lovlari bilan kam maosh bo‘yicha muzokaralar olib bormoqchi.
Eslatib o‘tamiz, Pol Pogbaning doping diskvalifikasiyasi 10 mart kuni tugaydi. Ayni damda fransiyalik tajribali yarim himoyachi klub ro‘yxatidan o‘tmagan.













