"Liverpul" forvardi Muhammad Saloh "Manchester Siti"ga (2:0) qarshi o‘yindan keyin bergan intervyusida o‘z o‘yini haqida gapirdi.
Uchrashuv yakunlangach, jurnalistlar Salohdan joriy mavsumni o‘z faoliyatidagi eng yaxshi mavsum deb hisoblaysizmi, deb so‘rashdi.
"Fikrlar turlicha bo‘lishi mumkin. Kimdir "Liverpul"dagi ilk mavsumlarimni ma’qul ko‘rsa, kimdir hozirgi mavsumimni yuqoriroq baholaydi. Shaxsan men bu mavsumni afzal ko‘raman, chunki chempionlik uchun kurashish va yosh futbolchilarga yordam berish - bu alohida narsa," - deya 32 yoshli forvardning so‘zlarini keltiradi «BBC».
