"Ливерпуль" форварди Муҳаммад Салоҳ "Манчестер Сити"га (2:0) қарши ўйиндан кейин берган интервьюсида ўз ўйини ҳақида гапирди.

Учрашув якунлангач, журналистлар Салоҳдан жорий мавсумни ўз фаолиятидаги энг яхши мавсум деб ҳисоблайсизми, деб сўрашди.

"Фикрлар турлича бўлиши мумкин. Кимдир "Ливерпуль"даги илк мавсумларимни маъқул кўрса, кимдир ҳозирги мавсумимни юқорироқ баҳолайди. Шахсан мен бу мавсумни афзал кўраман, чунки чемпионлик учун курашиш ва ёш футболчиларга ёрдам бериш - бу алоҳида нарса," - дея 32 ёшли форварднинг сўзларини келтиради «BBC».