Kataloniyaning "Barselona" va Madridning "Atletiko" klublari Ispaniya Kubogi - 2024/2025 yarim final dastlabki o‘yinida super sermahsul durang qayd etishdi. O‘yin hisobi - 4:4. Shu tariqa ushbu qarama-qarshilikda gol urish bo‘yicha XXI asr statistik rekordi o‘rnatildi.
Opta Sport xabariga ko‘ra, "ko‘k-anorranglilar" va "qizil-oqlar" o‘rtasidagi o‘yinlarda so‘nggi bor 1997 yilgi Ispaniya Kubogining 1/4 finalida sakkiz va undan ortiq gol urilgan. O‘shanda kataloniyaliklar 5:4 hisobida g‘alaba qozongandi.
Eslatib o‘tamiz, musobaqa doirasidagi jamoalar o‘rtasidagi javob uchrashuvi 2 aprel kuni Madridda bo‘lib o‘tadi.
