Каталониянинг "Барселона" ва Мадриднинг "Атлетико" клублари Испания Кубоги - 2024/2025 ярим финал дастлабки ўйинида супер сермаҳсул дуранг қайд этишди. Ўйин ҳисоби - 4:4. Шу тариқа ушбу қарама-қаршиликда гол уриш бўйича XXI аср статистик рекорди ўрнатилди.
Opta Sport хабарига кўра, "кўк-анорранглилар" ва "қизил-оқлар" ўртасидаги ўйинларда сўнгги бор 1997 йилги Испания Кубогининг 1/4 финалида саккиз ва ундан ортиқ гол урилган. Ўшанда каталонияликлар 5:4 ҳисобида ғалаба қозонганди.
Эслатиб ўтамиз, мусобақа доирасидаги жамоалар ўртасидаги жавоб учрашуви 2 апрель куни Мадридда бўлиб ўтади.
